જોરુ બની કજિયાની છોરુ:માંડવીમાં આડા સંબંધે મિત્રએ જ મિત્રનું ઢીમ ઢાળી દીધું
બંને મિત્રો સાથે જ કડીયા કામ કરતા હતા ત્યારે ભાભી સાથે આંખ મળી ગઇ
નગરપાલિકા પાસે ઉપરા ઉપરી છરીના ઘા ઝીંકી દેવાતા યુવકનું મોત
આરોપી ખુદ લોહી નીંગળતી છરી સાથે પોલીસ સ્ટેશને રજુ થયો
માંડવીના ગોકુલાવસમાં રહેતા યુવકના પરિણિતા સાથે આડા સબંધ હોવાથી તેના જ મિત્રએ નગરપાલિકાના પાણીના ટાંકા પાસે છરીના ઘા મારી હત્યા નીપજાવી હતી. બનાવ સ્થળે પોલીસ કાફલો ધસી જઇ લાશને પોસ્ટમોર્ટમ માટે મોકલી તેમજ આરોપી ખુદ લોહી નીંગળતી છરી સાથે પોલીસ સ્ટેશને રજુ થઇ ગયો હોવાથી તેની અટક કરી આગળની તજવીજ હાથ ધરીહતી.
સુત્રોમાંથી મળતી વિગતો મુજબ, વીનોદ પુનશીભાઇ થારૂ (મહેશ્વરી) (ઉ.વ. 22) રહે. ગોકુલવાસ, માંડવી વાળાની હત્યા તેના જ મિત્ર પરબત કરમશી દનીચાએ ઉપરા ઉપરી છરીના ઘા ઝીંકી કરી નાખતા ચકચાર મચી ગઇ હતી. માંડવીમાં નગરપાણીના પાણીના ટાંકા પાસે રાત્રે બનેલા આ બનાવથી પોલીસ ઘટના સ્થળે દોડી ગઇ હતી. મૃતક અને આરોપી બંને સાથે કડીયા કામ કરતા હતા તેવું સુત્રોમાંથી જાણવા મળ્યું હતું.
મૃતકના આરોપીની ભાભી સાથે આડા સબંધ હોવાથી છરીના ઘા ઝીંકી ઢીમ ઢાળી દીધું હતું. પોલીસે હત્યારા આરોપીને દબોચી લીધો હોવાનું જાણવા મળ્યું છે. લાશને પોસ્ટમોર્ટમ માટે મોકલીને ગુનો નોંધવાની તજવીજ માંડવી પોલીસે હાથ ધરી હતી.
ટપોટપ દુકાનો બંધ થઇ : લોકો ટોળે વળ્યા
નગરપાલિકા પાણીના ટાંકા પાસે હત્યાનો બનાવ બનતા દુકાનો ટપોટપ બંધ થવા માંડી હતી. મૃતક અને આરોપી બંને એક જ સમાજના હોવાથી બહોળી સંખ્યામાં લોકો એકત્ર થઇ હોસ્પિટલે પહોંચ્યા હતા. જો કે, આરોપીની અટક થઇ જતા મામલો શાંત પડયો હતો.
ટિપ્પણીઓ
ટિપ્પણી પોસ્ટ કરો